Punjab Government ne mahe Ramzan mein ghareeb aur mustahiq khandanho ki madad ke liye Ramzan Nigehban Package 2026 ka aaghaz kar diya hai. Is package ke tehat Rs 10,000 ka Maryam Nawaz Ramzan Relief Package aur 8070 Free Rashan Program shamil hain taake aam awam ko mehangai se bachaya ja sake.
Achi baat ye hai ke jo log pehle se Benazir Income Support Programme (BISP) mein shamil hain, unhe dobara registration ki zarurat nahi, wo automatically is scheme ka hissa ban jayenge.
Ration Card (Rashan Card) Kya Hai?
Punjab Government ek digital smart card ke zariye mustahiq khandanho ko har mahine 3,000 PKR ki mali imdad bhi faraham kar rahi hai. Iska maqsad khandanho ko kitchen aur rashan ke ikhrajat mein madad dena hai.
Ahliyat Ka Maayar (Who is Eligible?)
Agar aap is package se faida uthana chahte hain, toh darj zail sharaait puri honi chahiye:
- Pehchan: Punjab ka mustaqil rihaishi hona zaruri hai.
- CNIC: Valid 13-hinson ka Shanakhti Card (CNIC) mojood ho.
- Aamdani: Mahana aamdani Rs 60,000 se kam ho.
- Poverty Score: Government data ke mutabiq poverty score kam ho.
- Rozgar: Government ka pakka (regular) mulazim na ho.
Wifaq ul Madaris Result 2026
Kon Log Na-Ahal Hain? (Who Will Not Qualify)
- Tax filers jinki aamdani zyada hai.
- Bari commercial property ke malikan.
- Wo afrad jo pehle hi government ki multiple schemes se faida utha rahe hain.
(Note: Data ki tasdeeq official NADRA aur BISP databases se ki jayegi taake koi fraud na ho sake).
8070 Par Status Check Karne Ka Asan Tariqa
- Ghar bethe apne mobile se eligibility check karne ke liye ye steps follow karein:
- Apne mobile ka SMS App open karein.
- Apna 13-hinson ka CNIC number likhein (Dashes/lines ke baghair).
- Is message ko 8070 par bhej dein.
- Kuch hi dair mein aapko tasdeeqi message mil jayega.
Jawab Mein Ye 3 Messages Aa Sakte Hain:
- Eligible (Ahal Hain): Aap rashan ya mali imdad lene ke haqdar hain.
- Under Verification (Tasdeeq Jari Hai): Aapke data ki abhi janch partal ho rahi hai.
- Not Eligible (Na-Ahal): Aap is program ke sharaait par pure nahi utarte.